мемлекеттік шекараның тәртібін бұзушылар

төмендегілер Қазақстан Республикасының Мемлекеттік шекарасы тәртібін бұзушылар болып танылады:

– Қазақстан Республикасының Мемлекеттік шекарасын ұстау, Мемлекеттік шекарада түрлі жұмыстар, кәсіпшілік және өзге қызмет жүргізу тәртібін бұзған адамдар; – шекарада түрлі жұмыстар, кәсіпшілік және Қазақстан Республикасының Мемлекеттік шекарасынан өту тәртібін бұзған, Қазақстан Республикасының Мемлекеттік шекарасы арқылы белгіленген тәртіпке жатпайтын қарым-қатынас жасаған адамдар; – Қазақстан Республикасының аумақтық теңізінде және ішкі суларында, шекаралық өзендер мен өзге де су қоймаларының қазақстандық бөлігінде жүзудің және тұрудың тәртібін бұзған, Қазақстан Республикасының Мемле-кеттік шекарасында түрлі жұмыстар, кәсіпшілік және өзге қызмет жүргізуші қазақстандық және шетелдік әскери емес кемелер мен әскери кемелер; – Қазақстан Республикасының ішкі сулары мен порттарында жүзу мен тұру тәртібін бұзған шетелдік әскери емес кемелер мен әскери кемелер; – Қазақстан Республикасының Мемлекеттік шекарасында аэрофотосуретке түсірген және өзге қызмет атқарған кезде ұшу ережесі мен тәртібін бұзған Қазақстан Республикасының және шектес мемлекеттердің әуе кемелері мен басқа да ұшу аппараттары.